எக்லோன்

மோவாபிய கோத்திரங்களில் ஒன்றின் தலைவன் அல்லது ராஜா (நியாயாதிபதிகள் 3:12-14). அம்மோன் மற்றும் அமலேக்கோடு கூட்டணி வைத்துக்கொண்டு, யோர்தானுக்கு அக்கரையான பகுதியைக் கைப்பற்றி, பின்னர் யோர்தானைக் கடந்து, அப்போது மீண்டும் கட்டப்பட்டிருந்ததும் ஆனால் கோட்டையாக இல்லாதிருந்ததுமான “பேரீச்சமரங்களின் பட்டணம்” எனப்பட்ட எரிகோவைப் பிடித்துக்கொண்டான். இப்பட்டணத்தைத் தன்னுடைய தலைநகரமாக்கிக்கொண்டு, இஸ்ரவேலரைப் பதினெட்டு வருடங்கள் அடிமைப்படுத்தி வைத்திருந்தான். இறுதியில் மக்கள் தங்கள் இக்கட்டில் “யெகோவாவை நோக்கிக் கூப்பிட்டார்கள்”, அவர் பென்யமீன் கோத்திரத்தானான கேராவின் மகனான ஏகூத் மூலம் “அவர்களுக்கு ஒரு இரட்சகனை எழும்பப்பண்ணினார்”.