நல்ல துறைமுகம்

கிரேத்து தீவின் தெற்கே அமைந்திருந்த ஒரு துறைமுகம்; இதற்கு கிழக்கே சுமார் 5 மைல் தொலைவில் லசேயா பட்டணம் இருந்தது (அப்போஸ்தலருடைய நடபடிகள் 27:8). பவுலும் அவனோடு இருந்தவர்களும் பயணம் செய்த அலெக்சாந்திரியாவின் கப்பல் சாதகமான காற்றுக்காகக் காத்திருந்து இங்கு கணிசமான காலம் தங்கியிருந்தது. குளிர்காலத்தைக் கழிப்பதற்கு இத்துறைமுகம் வசதியாக இல்லாததால், பவுலின் ஆலோசனையை மீறி, பயணத்தைத் தொடர கப்பலின் மாலுமி தீர்மானித்தார் (9-12). இதன் விளைவாக, புயல் நிறைந்த பயணத்திற்குப் பிறகு, அந்தக் கப்பல் முடிவில் மால்ட்டா கடற்கரையில் சேதமடைந்தது (அப்போஸ்தலருடைய நடபடிகள் 27:40-44).