ரெவிதீம்

ஆதாரங்கள்; இது இஸ்ரவேலர்கள் தங்கியிருந்த இடங்களில் ஒன்றாகும், இது வாடி எஷ்-ஷேக்குடன் இணையும் இடத்திற்கு அருகில் வாடி ஃபீரானில் அமைந்துள்ளது. மக்கள் குடிப்பதற்கு இங்கே தண்ணீர் கிடைக்கவில்லை, எனவே தங்கள் பொறுமையின்மையால் தங்களின் துன்பத்திற்கு மோசேயே காரணம் என்பது போல அவரைக் கல்லெறியத் தயாராக இருந்தார்கள். தேவனுடைய கட்டளையின்படி மோசே “ஓரேபிலுள்ள கன்மலையை” அடித்தார், உடனே மக்கள் அனைவருக்கும் போதுமான அளவுக்குத் திரளான தண்ணீர் பாய்ந்தோடியது. இதற்குப் பிறகு இஸ்ரவேலர்கள் இங்கே பாளயமிறங்கியிருந்தபோது அமலேக்கியர்கள் அவர்களைத் தாக்கினார்கள், ஆனால் அவர்கள் முற்றிலும் முறியடிக்கப்பட்டார்கள் (யாத்திராகமம் 17:1, 8-16). இஸ்ரவேலுக்கு எதிராகப் போரிட்ட “ஜாதிகளில் முதன்மையானவர்கள்” இவர்களே (எண்ணாகமம் 24:20).

ரெவிதீமிலிருந்து புறப்பட்ட இஸ்ரவேலர்கள் சீனாய் வனாந்தரத்திற்குள் சென்றனர் (யாத்திராகமம் 19:1, 2; எண்ணாகமம் 33:14, 15); அவர்கள் இரண்டு மைல் நீளமும் சுமார் அரை மைல் அகலமும் கொண்ட “சீனாய் வனாந்தரமான” எர்-ராஹா சமவெளியின் நுழைவாயிலில் இணைகிற வாடி சோலாஃப் மற்றும் வாடி எஷ்-ஷேக் ஆகிய இரண்டு கணவாய்கள் வழியாகப் பயணம் செய்திருக்கலாம்.